Von Tamara Lee Buri Gollo und Papagallo bereiten sich auf die grosse Reise nach Deutschland vor
Gölä: “U de het dr Papagello am Gollo gseit: “I kiffe lieber nomau eis, nomau eis, u de flügeni nomau im kreis, im kreis.” Dr Gallo het das ä geili Idee gfunge u hett sech grad nomau ä Linie inezoge. U nächhär…”
Bobo: Äh, Marco, was isch das scho wieder? Ä Linie ineziehä?
Gölä: Hey Rönu, ächt, das chasch nid bringe! Itz hocksch da so inere Schiiss-Jury für sone Schiiss-Dancestar und kennsch di nid mau mit Drugs und Rock n’ Roll us? Du bisch scho nä huere Pumpi.
Bobo: Also wart schnäll… ich schriib märs uuf…. L I N I E Z I E H E N = T V J U R Y K O N S U M I E R T D R O G E N…
Gölä: Äh Quatsch!! Was söu itz dä huere Seich? I nime mer de im Fau nid Zyt, um dir us mim Droge-Präventivbuech vorzläse und du machsch hie dr Löu. Nume dass das klar isch..
Bobo: Ou Marco, da chunt mär im Fall no öppis in Sinn. Dörft ich ächt nöd ä sonäs Laschtwagefahrer Liibli vo dir uslehne? Weisch für im Fernseh. Ich muess scho chli zeige, dass mit mir nöd zgschpasse isch. Ä so Ufchläbe-Tatoos hani au scho kauft. Au äsonäs Tribal wiä du häsch. Mir händ au no äs paar föhrig gah vom Eurovision letscht Jahr…
Gölä: Was isch los? Wosch mi eigetlech verarsche, Rönu? I la mi doch nid vo dir la kopiere! I bines Läbeswärk, gopfertammii En Offebarig! Blib du bi dim mtze-mtze Schiissdräck und dine huere Dräckskoschtüm u la mi gfelligscht dusse us dim huere Zirkus.
Bobo: Ok, Marco, wenn du meinsch… Aber häsch mär viellicht doch no dä eint oder anderi Trick, dass ich ä gueti Falle mach bi dä Düütsche?
Gölä: Hmmm.. ja da wär öppis.. Lueg dass dini gschtörti Ex im Chäuer unge bliibt! Zäme mit dr Nancy! U villech wettsch du o grad dert unge… eh lömer das..
Bildquelle: Schweizer Illustrierte
